Ekspertisio

Tradukshonnan hurídiko i komersial ta eksigí un alto grado di spesialisashon riba nivel traduktológiko. Ademas, un konosementu profundo di e materia i e argó korespondiente ta impresindibel pa un traduktor i intérprete. WordMagic ta disponé di e konosementu i abilidatnan aki i e ta un sosio konfiabel den e tereno di tradukshon i interpretashon hurídiko i komersial.

Algun ehèmpel di dokumentonan ta entre otro:
• Kontrato • Sitashon
• Korespondensia komersial • Sentensia
• Estatuto • Kondishonnan matrimonial
• Relatonan anual • Tèstamènt
• Ekstrakto registro sivil • Ekstrakto registro di komersio

WordMagic ta aktua komo intérprete, por ehèmpel durante seshonnan di tribunal, reunion, kongreso, exposishon i seka notaria i abogado.

Miriam Hooijer ta registrá den e Registro di traduktor i intérprete hurá di Ministerio di Hustisia hulandes (Rbtv) i e ta miembro di e Asosiashon Hulandes di Intérprete i Traduktor (NGTV).